कसरी चिन्ने कोरोना र सामान्य रुघाखोकी?

सामान्य अवस्थामा लागेको रुघाखोकी कतै कोरोना भाइरस संक्रमणको लक्षण त होइन ? जनमानसमा धेरै द्विविधा हुन सक्छ । मौसम परिवर्तन हुनेवित्तिकै स्वास्थ्यमा त्यसको प्रभाव पर्छ। एउटा मौसममा अभ्यस्त भएको शरीरलाई अर्को मौसमसँग अभ्यस्त हुन समय लाग्छ। मौसम परिवर्तनसँगै मानिसलाई रुघाखोकीले सताइरहेको हुन्छ।

अहिले मौसम परिवर्तनको समय हो । यो समयमा प्रत्येक बर्ष रुघाखोकी लागिरहेको थियो । कोरोना संक्रमण समुदायमा फैलिएको वर्तमान अवस्थामा रुघाखोकी लाग्दा पनि कोरोना संक्रमण भयो कि भनेर त्रसित हुनेको संख्या धेरै छ भनेर नस्वास्थ्य विज्ञ डा. रवीन्द्र पाण्डेले सुझाव दिएका छन।

कोरोना संक्रमणका लक्षणहरु :

• उच्च ज्वरो आउने
• सुख्खा खोकी लाग्ने
• एकदम थकाइ लाग्ने
• सास फेर्न गाह्रो हुने
• स्वाद वा / र गन्ध थाहा नहुने
• घाँटी खसखस गर्ने / बोलि परिवर्तन हुने
• निको हुन १० दिन लाग्न सक्ने
• खाना नरुच्ने
• अक्सिजन / आइसीयुको उपचार आवश्यक पर्न सक्ने

मौसमी रुघा खोकीका लक्षणहरु :

• नाक बन्द हुने
• नाकबाट पानी आउने
• हाँच्छ्यु आउने
• शरीर दुख्ने
• हल्का ज्वरो आउने
• टाउको दुख्ने
• शरीर दुख्ने
• सामान्य उपचार तथा आरामले फाइदा गर्ने
• छोटो समयमा निको हुने
  
  यी दुवै रोग एक व्यक्तिबाट अर्कोमा सर्ने भएको हुँदा छुट्टै कोठामा बस्ने, आफुले प्रयोग गरेका सामान अरुलाई प्रयोग गर्न नदिने । तापक्रम, अक्सिजन हेरिरहने । आवश्यक परे पिसिआर टेस्ट गर्ने ।