श्वेता खड्काको विवाह मङ्सिर २२ गते
नेपाली चलचित्र क्षेत्रकी चर्चित अभिनेत्री श्वेता खड्का बैबाहिक जीवनमा बाँधिने भएकी छिन् । श्वेताले धनगढीका विजयेन्द्र सिंह रावतसँग विवाह गर्न लागेकी हुन् । श्वेता र विजयेन्द्रले मंसिर २२ गते बिहे गर्ने पक्का भएको छ ।
बिहेका लागि निम्तो कार्ड समेत नजिकका आफन्त र साथीभाइलाई बाडिएको छ । विजयेन्द्र र स्वेता केही समयदेखि प्रेम सम्बन्धमा रहेका छन् । । स्वेताको बिहे गोकर्ण फरेष्ट रिसोर्टमा हुनेछ ।
स्वेता खड्का चलचित्र ‘कहाँ भेटिएला’बाट चलचित्र क्षेत्रमा प्रवेश गरेकी हुन् । श्वेताले abhineta श्रीकृष्ण श्रेष्ठसँग वि.सं २०७१ साल असार २३ गते विवाह गरेकी थिइन् । तर, बिहे भएको करिब एक महिनापछि श्रीकृष्णको वि.सं २०७१ साल साउन २५ गते भारतमा उपचारका क्रममा निधन भएको थियो । यसपछि, स्वेताले चलचित्र ‘कान्छी’ निर्माण गरिन् ।
स्वेता पछिल्लो समय चलचित्रसँगै विभिन्न व्यवसायमा आवद्ध छिन् । श्वेताको विवाहको खबरले केही समय देखी नै मिडियामा निकै नै चर्चा भईरहेको थियो।श्वेताले विवाह गर्ने अब भने पक्का भएको छ। श्वेता खड्कालाई हाम्रो तर्फ बाट धेरै धेरै शुभकामना छ।
सम्बन्धित समाचार
