काठमाण्डौको निषेधाज्ञा जेठ १२ गतेसम्म जारी रहने
काठमाण्डौ । उपत्यकामा बैशाख १६ गतेदेखि जारी निषेधाज्ञा जेठ १२ गतेसम्म लम्बिने भएको छ । काठमाण्डौ, ललितपुर र भक्तपुरका प्रमुख जिल्ला अधिकारीहरुबीच भएको अनौपचारिक छलफलले जेठ १२ गतेसम्म निषेधाज्ञालाई जारी राख्नुपर्ने निश्कर्ष निकालेको हो ।
एक प्रमुख जिल्ला अधिकारीहरुकाअनुसार यो विषयमा आधिकारिक निर्णय गर्न भोलि तीनै जिल्ला प्रमुख जिल्ला अधिकारीहरुको संयुक्त बैठक तय भएको छ । भोलिको बैठकले कम्तीमा जेठ १२ गतेसम्म निषेधाज्ञा लम्ब्याउने निर्णय गर्नेमा तीनै सीडीओ सहमत भएका बताइएको छ ।
जेठ १४ गते आगामी आर्थिक वर्षका लागि अर्थमन्त्रीले बजेट प्रस्तुत गर्ने कार्यक्रम भएकोले त्यसअघि निषेधाज्ञा खुकुलो बनाउने गरी आवश्यक तयारी गरिएको ती प्रजिअले जानकारी दिए । यसअघि काठमाण्डौ उपत्यकाका प्रमुख जिल्ला अधिकारीहरुको बैठकले बैशाख १६ गतेदेखि जारी निषेधाज्ञालाई बढाएर २९ गते राति १२ बजेसम्म थप गरेको थियो ।
