संसद पुनर्स्थापनाको फैसला, १३ दिनभित्रै बैठक बोलाउन आदेश
काठमाडौ : प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीद्धारा विघटित प्रतिनिधि सभालाई सर्वोच्च अदालतले पुनर्स्थापना गर्ने गरी आदेश दिएको छ । मंगलबार गरिएको ऐतिहासिक आदेशमा १३ दिनभित्रै संसद बैठक बोलाउन आदेश दिइएको छ ।
प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गत पुस ५ गते संसद विघटन गरी वैशाख १७ र २७ गते निर्वाचन घोषणा गर्नुभएको थियो । त्यसविरुद्ध १३ वटा रिट सर्वोच्चमा दर्ता भएका थिए ।
फैसलाले संसद विघटनलाई बदर गरिदिएको छ । प्रधानन्यायाधीश चोलेन्द्रशम्शेर जबरा, न्यायाधीशहरु विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर केसीको संवैधानिक इजलासले प्रधानमन्त्री केपी शर्मा ओलीले गरेको संसद विघटन असंवैधानिक भएको भन्दै बदर हुने फैसला सुनाएको हो ।
Subscribe
Please login to comment
0 Comments
