लेस्टर सिटी बराबरी मा रोकियो
इंग्लिस प्रिमियर लिग फुटबल को पछिल्लो खेलमा लेष्टर सिटी बराबरीमा रोकिएको छ ।
शुक्रबार राति भएको खेलमा लेष्टरले साउथह्याम्पटनसँग १-१ गोलको बराबरी खेलेको हो ।
सुरुवातमै १० खेलाडीमा सिमित भएको साउथह्याम्पटनमाथि लेष्टरले जित निकाल्न असफल भयो ।
खेलको १० औं मिनेटमा जान्निक भेस्टरगार्डले रातो कार्ड पाएपछि साउथ ह्याम्प्टन १० खेलाडीमा समेटिएको थियो । जेमी भार्डीलाई खराब ट्याकल गरेपछि उनले कार्ड पाएका थिए ।
खेलमा सुरुवाती अग्रता पनि साउथह्याम्पटनले नै बनाएको थियो ।
खेलको ६१ औं मिनेटमा जेम्स वार्डले पेनाल्टीमा गोल गर्दै साउथह्याम्पटनलाई १-० को अग्रता दिलाए ।
तर, खेलको ६८ औं मिनेटमा जोनी इभान्सले गोल गर्दै लेष्टरलाई १-१ गोलको बराबरीमा फर्काए ।
यस बराबरीसँगै लेष्टर ३४ खेलमा ६३ अंक जोडेर तेस्रो स्थानमा रहेको छ ।
साउथह्याम्पटन ३७ अंक जोडेर तालिका को १४ औं स्थानमा रहेको छ ।
