च्याम्पियन्स लिग फुटबलमा बार्सिलोनाको जीत
च्याम्पियन्स लिग फुटबलमा बार्सिलोनाले युभेन्टसलाई पराजित गरेको छ। कोरोना संक्रमणका कारण स्टार क्रिस्टियानो रोनाल्डो बिना मैदानमा उत्रेको युभेन्टसलाई बार्सिलोनाले २-० गोलले पराजित गरेको छ।
बार्सिलोनाको जितमा ओउसमान डेम्बेले र लियोनेल मेसीले एक/एक गोल गरे । डेम्बेलेले खेलको १४औँ मिनेटमा मेस्सीको असिस्टमा गोल गरे । खेलको ८५औँ मिनेटमा युभेन्टसका मरिह डेमिरलले दोहोरो पहेँलो कार्ड खाँदै मैदानबाट बाहिरिएपछि दबाबमा परेको युभेन्टसले ९१औँ मिनेटमा अर्को गोल खायो ।
९१औँ मिनेटमा पेनाल्टीबाट गोल गर्दै मेस्सीले बार्सालाई २-०को जित दिलाए । लियोनल मेस्सीको गोलमा च्याम्पियन्स लिग फुटबलमा बार्सिलोनाले युभेन्टसमाथि सहज जित हात पारेको छ। जितपछि बार्सिलोना समूह जीमा दुवै खेल जितेर ६ अंकसहित शीर्ष स्थानमा छ भने भने युभेन्टसको २ खेलमा ३ अंक रहेको छ।
Subscribe
Please login to comment
0 Comments
